Oujaars aand ete en dans!

 

Kersete 25 Desember 2009

Die jaar se kersete was ons grootste kersete nog.
 Daar was 190 mense en almal het geeet en gekuier tot laat die middag nog. Ons het die volle buffet spyskaart gegee behalwe die spit wat vervang was met heerlike lambsboude waarvan daar nie 'n stukkie oorgebly het nie.
Die pavlovas met vrugte en room wat spesiaal ekstra gemaak word het almal se soettand gestil.
Hier bo links is foto van die Reinecle familie wat al die afgelope 15 jaar amper elke kersete by ons kom geniet.
Regs bo is van die Botha familie lede. Hulle het hul hele famlie gebring vir kersete en was 'n heerlike groot groep van 16 mense.
Onthou om volgende jaar vroeg te bespreek vir kersete ons was al reeds vroeg voor die tyd volbespreek.

Pragtige natuur lewe op Bosduifklip se plaas

Bo is twee pragtige fotos van ons eie Springbokke op die plaas. Die springbokke word slegs geslag vir die springbok botjie. Daar is omtrent 40 springbokke wat wei op die plaas.
Onder links is 'n gifbol plant (Haemanthus amarylloides) wat slegs een keer elke sewe jaar blom! Hy blom slegs in Desember maande.
Sy groen blare wat hy het gaan dood voor die blomme verskyn. Nadat hy sy saad geskiet het gaan die blomme weer dood en  groen blare groei weer terug. Hy word 'n gifbol genoem aangesien sy blare giftig is vir vee soos skape en beeste.
Regs onder is 'n botterboom (Cotyledon Paniculata). Hy is 'n vetplant en kom vollop voor in die sandveld area. Kobus se hulle het as kinders dit gebruik om op die klippe af te gly aangesien hy slymstamme het.

Hier bo is 'n Koekemakranka (Gethyllis spp.) Hy blom ook slegs Desember maande. Na die blommetjies dood is kom daar vrug liggaampies uit wat lyk soos 'n aspersie stingel. Die stingel bevat sade en gee ook die heerlikse parfuum reuk af. Mense het dit gebruik as parfuum deur dit in hul sak te dra en hulle het dit ook in branewyn bottels gesit oor die heerlike geur wat dit afgee.